आज-काल मैत्री करायची देखील भीती वाटते
आज-काल मैत्री करायची देखील
भीती वाटते,
कारण....
कुणाशी तरी आपल्याला ती, नकळतच
बांधून टाकते...
बांधलेले धागे ते मग, सहजा-सहजी तुटत
नाहीत....
भावनांचे पीळ , काही केल्या सुटत नाहीत...
सुटले पीळ, तुटले धागे तरी,
तरी ते जखमा देऊन जातात...
जखमा त्या डोळ्यांत अपुल्या,
ओलावा ठेऊन जातात...
ओलावा त्या डोळ्यांतला,
लपवू पाहता लपत नाही...
घट्ट मिटले किती हि डोळे, थेंब
ओघळल्या शिवाय राहत नाही...
आणि मग...!
का केली हि मैत्री अशी...?
हा प्रश्न मनाला सतावत राहतो...
तरी हि मी सदैव असाच,
मैत्री तुझ्याशी करत राहतो..
कोणत्याही टिप्पण्‍या नाहीत:
टिप्पणी पोस्ट करा